MATR er huggulegt og fjölskylduvænt kaffihús í Norræna húsinu sem rekið er af Árna Ólafi Jónssyni, kokki og sjónvarpsmanni, sem margir kannast við úr matarþáttunum Hið blómlega bú. MATR er tilvalinn staður til að fá sér ljúfa hressingu, kaffisopa, glugga í blöðin og njóta um leið alls þess sem Norræna húsið hefur upp á að bjóða. Á neðri hæð hússins er til að mynda eitt flottasta barnabókasafn landsins sem er vinsælt meðal yngri kynslóðarinnar.

COVID-19

Meðan á fjöldatakmörkunum stendur höfum við fækkað borðum í rýminu. Við pössum upp á 2ja metra regluna og að sprittið sé aldrei langt undan.

Opnunartími MATR breytist einnig og verður frá 12 til 16 þriðjudaga til sunnudaga til að byrja með.